Yeni yaradılmış şirkət BNA-da yoxlama aparacaq
Bakı Nəqliyyat Agentliyi (BNA) 2021-ci il üzrə maliyyə-təsərrüfat fəaliyyətinin auditi və maliyyə hesablarına audit rəyinin verilməsi üzrə elan etdiyi kotirovka sorğusunu yekunlaşdırıb.
“Ölkə.Az” xəbər verir ki, sorğunun qalibi “Professional Financial Experts” MMC olub. Qalib təşkilatla 27 min manat məbləğində satınalma müqaviləsi imzalanıb.
Qeyd edək ki, “Professional Financial Experts” MMC 18.02.2022 tarixində dövlət qeydiyyatına alınıb və qanuni təmsilçisi Həsənov Rəşad Novruz oğludur. Nizamnamə kapitalı 100 manat olan şirkətin hüquqi ünvanı Bakı şəhəri Binəqədi rayonu, Binəqədi ştq, sıra 3, m. ev 23 A-dır.
Xatırladaq ki, ötən günlərdə Bakı Şəhər İcra Hakimiyyəti başçısının tabeliyindəki Bakı Nəqliyyat Agentliyi İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin balansına verilmişdi.
Könül
Ölkə.Az
