Poroşenko və Kliçko birləşdi

Vitaliy Kliçko başçı oldu

Ölkə.Az xəbər verir ki, Ukraynada "Pyotr Poroşenko bloku - Həmrəylik" və Vitaliy Kliçkonun "UDAR" partiyasının nümayəndələri birləşmə konqresində yekdilliklə iki siyasi qüvvənin birləşməsinə səs veriblər.

Hüquqi prosedur çərçivəsində Kliçko və onun 18 tərəfdaşı "UDAR"dan çıxaraq "Pyotr Poroşenko bloku - Həmrəylik" partiyasına daxil olublar.

""UDAR" partiyası bundan sonra başqa formatda işləyəcək - "UDAR-Həmrəylik" siyasi qüvvəsinin birləşməsinin tərkibində", - deyə Kliçko sosial şəbəkədə yazıb.

Bundan əlavə, Vitaliy Kliçko birləşmiş "Pyotr Poroşenko bloku - Həmrəylik" partiyasının başçısı seçilib.

Müvafiq qərar partiyanın keçmiş başçısı Yuriy Lutsenko tərəfindən elan olunub.

Rəşid Mustafazadə

Ölkə.Az