Zakir Həsənovdan hərbi prokurorluğa şikayət etdi

Hərbi ekspert Üzeyir Cəfərov müdafiə naziri Zakir Həsənovu hərbi prokurora şikayət edib. 

Ölkə.Az qafqazinfo-ya istinadən xəbər verir ki, o, bu barədə Facebookda status yazıb:

"Avqustun 11-də Respublika Hərbi Prokurorluğunda vəzifə səlahiyyətlərini aşdığına və Azərbaycan xalqına yanlış məlumat verdiyinə görə müdafiə naziri general-polkovnik Zakir Əsgər oğlu Həsənov və onun tabeliyində olan bir neçə vəzifəli şəxsə cinayət işi başlanması məsələsinə baxılacaqdır. 

Bununla əlaqədar olaraq mən rəsmi muraciətimdə Baş Prokurorun müavini-Respublika Hərbi prokuroru ədliyyə general-leytenantı Xanlar Vəliyevin adına iyul ayında Ərizə ünvanlamışdım. Artıq müraciətin araşdırılması haqqında qərar qəbul edilib. Araşdırmaya, müdafiə naziri Zakir Həsənovun, MN Mətbuat Xidmətinin rəhbəri Vaqif Dərgahlının, həmçinin MN-nin rəsmisi general-leytenant Çingiz Məmmədovun, SQ-in Baş İnspeksiyasının sabiq rəisi general-mayor Məmməd Beydullayevin, Hüquq İdarəsinin rəisi Rauf Kişiyevin və bir neçə digər vəzifəli şəxslərin cəlb edilməsi gözlənilir. 

Məsələnin nə ilə nəticələnəcəyini isə, günün ikinci yarısında hörmətli həmkarlarıma və ictimaiyyətə açıqlayacağam".

Ölkə.Az