Yunanıstan iqtisadiyyatı daha çox artıb

ÜDM-nin aşağı düşəcəyini gözləyirdilər

Ölkə.Az xəbər verir ki, Yunanıstanda ÜDM bu ilin aprel-iyun aylarında ötən rüblə müqayisədə 0,9%, illik göstəricilərdə isə 1,7% artıb.

Bu yenilənmiş proqnoz ölkənin Dövlət Statistika Komitəsi tərəfindən təqdim olunub. Bir müddət öncə qurum Yunanıstan iqtisadiyyatının II rübdə 0,8%, illik isə 1,5% artdığını təxmin etmişdi. Analitiklər əksinə olaraq ölkədə ÜDM-nin aşağı düşəcəyini gözləyirdilər.

Avropa İttifaqının rəsmi nümayəndəsi jurnalistlərə açıqlamasında bəyan etmişdi ki, proqnozlara əsasən, artıq 2017-ci ildə Yunanıstan iqtisadiyyatı 2,7%, 2018-də isə 3,1% artacaq. Bu il büdcənin ilkin kəsiri ÜDM-nin 0,25%-ni aşmamalıdır. Bununla yanaşı, gələn il artım ÜDM-nin 0,5%, 2017-ci ildə 1,75%, 2018-də isə 3,5%-ni təşkil etməlidir.

Üçillik antiböhran proqramına görə, yunan banklarına 25 milyard avro ayrılacaq.

Rəşid Mustafazadə

Ölkə.Az