"Qruntavoy" yola qırmızı boya vurublar, üstünə də velosiped şəkli çəkiblər"xa0- FOTO
Şüvəlan-Mərdəkan yolunda çəkilmiş velosiped yolu tənqid olunub.
"Ölkə.Az" xəbər verir ki, bu barədə sosial şəbəklərdə fotolar paylaşılıb.
Bildirilir ki, bu yol nahamar olduğundan velosiped istifadəsi üçün yararlı deyil: "Ancaq dağ-dərədə velosiped sürənlər üçündür, kələ-kötürdür, sanki "qruntavoy" yola qırmızı boya vurublar, üstünə də velosiped şəkli çəkiblər".
Bakı Nəqliyyat Agentliyindən (BNA) "Ölkə.Az"ın sorğusuna cavab olaraq bildirildi ki, Şüvəlan-Mərdəkan yolundakı 8.2 km-lik velosiped yolu ilə bağlı layihə işləri BNA tərəfindən hazırlanıb: "Yolun tikinti-quraşdırma işləri eləcə də digər buna aid məsələlər icraçı tərəfindən həyata keçirilir".
Araşdırmamız zamanı məlum oldu ki, layihənin icraçısı "Bakı Abadlıq Xidməti" MMC olub.
Şirkətdən isə sorğumuza hər hansı bir cavab verilmədi.
Könül
Ölkə.Az
