"Tənhalıq epidemiyası başlayıb, bu xəstəliklər də artacaq" - Həkim

Ölkə.Az xarici KİV-ə istinadla xəbər verir ki, bu sözləri ABŞ Xalq Sağlamlığı Direktoru Doktor Vivek Mörfi deyib. O, təklik və təcrid epidemiyasının fərdi və cəmiyyətin sağlamlığına zərər verən ictimai sağlamlıq böhranına çevrildiyini söyləyib.

Direktor tənhalığın insan sağlamlığına təsiri və görülməli olan işlər haqqında 80 səhifəlik hesabat paylaşıb.

Hesabatda deyilir ki, ABŞ-da yetkin insanların yarısı tənhalıqdan əziyyət çəkir, bunun psixi və fiziki sağlamlıq üçün ağır nəticələri var.
Həmçinin qeyd olunub ki, tənhalıq ürək xəstəlikləri riskinin 29%, insult riskinin 32%, demans riskinin isə 50% artmasına səbəb olur.

Həkimin fikrincə, tənhalıq epidemiyası ilə mübarizə yolu daha çox park və kitabxana tikmək, əlçatan ictimai nəqliyyat və ödənişli ailə məzuniyyəti kimi insanları bir araya gətirən siyasətlər tətbiq etməkdir.

Billurə Yunus