“Qəbələ” komandasının qrup oyunlarının təqvimi dəqiqləşdi

Azərbaycanın “Qəbələ” komandasının UEFA Avropa Liqasının qrup mərhələsindəki oyunlarının təqvimi müəyyənləşib

Püşkatmanın nəticələrinə əsasən “C” qrupunda yer alan komandamızın avroliqanın əsas mərhələsində debütünü evdə gerçəkləşdirəcək.

Ölkə.Az AzərTaC-a istinadən xəbər verir ki, komandamız sentyabrın 17-də Yunanıstan “PAOK” klubunu qəbul edəcək. Oktyabrın 1-də Rusiyada “Krasnodar”ın qonağı olacaq “Qəbələ” ardınca Dortmund “Borussiya”sı ilə ardıcıl iki matçda qüvvəsini sınayacaq. Oktyabrın 22-də “Qəbələ” Almaniya təmsilçisi ilə Azərbaycanda qarşılaşacaq. Təmsilçimiz üç həftə sonra noyabrın 5-də səfərdə “Siqnal İduna Park”da dortmundlularla görüşəcək. Beşinci turda - noyabrın 26-da Yunanıstana yollanacaq Roman Qriqorçukun yetirmələri mərhələni dekabrın 10-da krasnodarlılarla ev oyunu ilə tamamlayacaq.

Qruplarda ilk iki sırada yer alan komandalar növbəti mərhələyə vəsiqə qazanacaq.

Ölkə.Az