MSK ekspert və işçi qrupları yaradıb

MSK-nın nəzdində vətəndaşların seçki hüquqlarının daha səmərəli təmin edilməsi məqsədilə seçki hüququnu pozan hərəkətlərdən, eləcə də hərəkətsizlikdən və qərarlardan verilmiş şikayətlərin araşdırılması üzrə Ekspert Qrupu və namizədin qeydə alınması üçün təqdim edilən imza vərəqələrindəki imzaların və digər məlumatların düzgünlüyünün yoxlanılması məqsədilə İşçi Qrup yaradılıb.

Ölkə.Az "APA"ya istinadla xəbər verir ki, MSK üzvləri Ramiz İbrahimov, Qabil Orucov, Validə Kərimova, Tofiq Həsənov, Bəxşeyş Əsgərov, MSK Hüquq şöbəsinin baş məsləhətçiləri Rafiq Abbasov və İ. Şahvələdov Ekspert Qrupunun üzvləri seçiliblər.

MSK üzvü İlham Məmmədovun rəhbərliyi ilə Ədliyyə Nazirliyi Məhkəmə Ekspertizası Mərkəzinin ekspertləri, Maliyyə Nazirliyi, Daxili İşlər Nazirliyi, Vergilər Nazirliyi, Daşınmaz Əmlakın Dövlət Reyestri Xidməti və

Hesablama Palatasının əməkdaşlarından ibarət İşçi Qrupunun yaradılması barədə də qərar verilib.

Ölkə.Az