Çəki artırmayan qəlyanaltılar - Asan arıqlamağın yolu
Ölkə.Az xəbər verir ki, bu barədə türkiyəli mütəxəssis diyetoloq Emre Uzun məlumat verib.
Çərəzlər: qoz omeqa 3 ilə zəngindir və bizi tox saxlayan bir qidadır. 2 ədəd qoz yeyərək yağ yandırma prosesini sürətləndirə bilərsiniz. Badam isə tərkibindəki yağla arıqlamağı asanlaşdırır. Çərəzlər təkcə arıqlamağınıza kömək etmir, həm də ürəyinizin sağlamlığını qoruyur.
Meyvə: meyvə yeyərkən yandırdığımız kalorilər qəbul etdiyimiz kalorilərdən çox olduğu üçün mənfi kalorili qidalar olduğunu söyləyə bilərik. Bu giləmeyvələri maye ilə istehlak etsək, toxluq müddətimiz daha uzun olar. Lif baxımından da zəngin olan bu qidalar üstünlük verdiyiniz qəlyanaltılar arasında olmalıdır.
Kefir: Probiotik təsiri ilə həzm sistemini tənzimləməyə kömək edir. Evdə hazırlayacağınız kefir, çəki idarə etməyə kömək edəcək sağlam qəlyanaltı ola bilər. Kolon xərçənginə qarşı da qoruyucu təsir göstərir.
Probiotik qatıq: Sağlam və rahat qəlyanaltıdır. Meyvələri probiotik qatıqlarla qarışdıraraq lif tərkibini artıra və həzm sistemini işlətməklə arıqlamanıza kömək edə bilərsiniz.
Xiyar: Üzərinə limon suyu tökərək istehlak etdiyiniz xiyar dilimləri çəki idarə etmək üçün yaxşı seçim ola bilər. Xiyar və limon mənfi kalorili qidalar sırasındadır. Belə ki, istehlak etdiyiniz bir az limonlu xiyar kalori almağınıza mane olan qəlyanaltı olacaq.
Ərik: A və C vitaminləri, kalium, dəmir və maqnezium baxımından zəngin olan ərik tərkibindəki liflə arıqlamağınıza kömək edəcək. 3-4 ədəd ərik istehlak edərək sağlam qəlyanaltı yarada bilərsiniz.
Yulaf əzməsi: Yulaf əzməsi lifli quruluşu ilə həzm sistemini işlədir. Yeməyi asan və zövqlü etmək üçün süd və meyvə parçaları əlavə edə bilərsiniz.
Noxud və kişmiş qarışığı: 1/2 stəkan noxud və 1 xörək qaşığı kişmiş istehlak edə biləcəyiniz sağlam qəlyanaltı olacaq. Noxud yüksək lif tərkibinə malik olduğundan bağırsaq hərəkətlərini sürətləndirir və bağırsaq tənbəlliyini aradan qaldırmağa kömək edir. Kişmiş isə fol turşusu, kalium, maqnezium, dəmir, fosfor və liflə zəngindir.
Simit: Simit çox kalorili görünsə də, sağlam bir qəlyanaltı olaraq istehlak edilə bilər. Yarım simit, ayran və ya yarım simit, pendir arıqlamağı asanlaşdıra bilər.
Tam buğdalı tost: Axşam yeməyini gec yeyənlər və axşam idmana gedənlər üçün 1 saat əvvəl ideal qəlyanaltı kimi qəbul edilə bilər.
Qatıq: Qatığın tərkibindəki kalsium yağ yandırmağınıza kömək edəcək. Qırmızı pul bibər əlavə etmək də maddələr mübadiləsini sürətləndirdiyi üçün arıqlamağınıza kömək edəcək.
Günay
