Bir qəzada 38 nəfər öldü

Svazilenddə ağır yol qəzası baş verib - 38 ölü, 20 yaralı

Cənubi Afrika dövləti Svazilenddə ağır yol qəzasının baş verməsi nəticəsində 38 nəfər həlak olub, 20 nəfər isə yaralanıb.

Məlumata görə, həlak olanlar gənc qızlardır. Gənc qızlar hər il ölkədə keçirilən "Qamış rəqsi" milli bayramına gedirlərmiş. Qızlar olan yük maşını minik avtomobili ilə toqquşub. Bundan sonra isə yük maşını daha bir yük maşını ilə də toqquşub.

Qeyd edək ki, 8 gün davam edən qızların rəqs etdiyi milli bayramın kulminasiya nöqtəsi isə kral Msvatinin növbəti nişanlısının seçilməsi ilə yekunlaşır. Hər il 40 minə yaxın gənc qız milli bayramda iştirak edir. (Trend)

Ölkə.Az