Neft qiymətləri enişə keçdi
Neft qiymətləri bahalaşmanın ardından bu gün yenidən ucuzlaşıb.
"Ölkə.Az" xəbər verir ki, "Brent" markalı neft 0,3 dollar və ya 0,4% ucuzlaşaraq 76,71 dollar, ABŞ-ın Qərbi Texas nefti (WTI) isə 0,26 dollar və ya 0,4% ucuzlaşaraq 72,90 dollar olub.
Hər iki müqavilə əvvəlki ticarət sessiyasında 2%-dən çox dəyər qazanmışdı.
Ucuzlaşmaya səbəb isə çərşənbə günü açıqlanacaq ABŞ inflyasiya rəqəmləri ilə bağlı investorların ehtiyatlı davranlış göstərməsi olub. Belə ki, inflyasiya rəqəmləri Federal Ehtiyat Sisteminin (FED) növbəti faiz dərəcəsi qərarı üçün açar rolunu oynayır.
Bəzi analitiklər neft qiymətlərinin son iki seansda bir qədər artdığını, bu baxımdan artıq fasiləyə ehtiyac olduğunu düşünür.
Könül
Ölkə.Az
