Qurban Bayramı qiymətlərə necə təsir etdi?
Qurban Bayramının gəlişi özü ilə bərabər qiymət artımını da gətirdi
Artıq Qurban bayramına iki gün qalıb. Bayram gələr-gəlməz ət məhsullarının qiymətinin artması hiss olunmağa başladı.
Bu məsələni Ölkə.az-a iqtisadçı ekspert Vüqar Bayramov şərh edib:
"Azərbaycanda Qurban bayramının xüsusi özəlliyi ondan ibarətdir ki, bayram ərəfəsində ət məhsullarının qiymətlərinin artırılması müşaiyət olunur. Əvvəlki illərin təcrübəsini nəzərə alsaq, bu il də qiymət artımının olacağını proqnozlaşdırmaq mümkündür. Baxmayaraq ki, Kənd Təssərrüfatı Nazirliyi qiymət artımlarının qarşısının alınması üçün bu il daha çox təbdirlər həyata keçirməyə çalışır. Reallıqda texniki baxımdan isə bütün yerlərdə qiymət artımının qarşısının alınması praktiki olaraq mümkün deyil. Təəssüf ki, iş adamları həmin ərəfədə əti daha baha qiymətə satmağı düşünürlər ki, daha çox gəlir əldə etsinlər. Ancaq digər İslam ölkələrinə nəzər salsaq görərik ki, həmin yerlərdə Qurban bayramı günü qiymətlərin azalması müşahidə olunur. Əslində bütün vətəndaşların bu bayramı qeyd edə bilməsi üçün qiymətlər ucuzlaşmalıdır".
"Ölkədə biznez etikası tam olaraq formalaşmayıb"
"Qiymətlərin manitorinqi bunu göstərir ki, Azərbaycanda psixoloji metodlarla qiymətlərin qarşısının alınması mümkün deyil. Bu həm də onunla bağlıdır ki, ölkədə biznez etikası tam olaraq formalaşmayıb. Təklif edirik ki, Qurban bayramı günü qurbanlıqların kəsilməsi üçün nəzərdə tutulmuş yerlər kifayət qədər məhdud olsun. Məhdud sayda yerlərin olması qiymətlərin monitorinqinin şəffaf şəkildə aparılmasına imkan yaradacaq. Eyni zamanda imkan verəcək ki, suni qiymətlərin artımına nəzarət edilsin. Sözsüz, Kənd Təssərrüfatı Nazirliyi tərəfindən ət yarmarkalarının təşkil edilməsi və davam etdirilməsinin tərəfdarıyıq. Həmin yarmarkalarda qurbanlıq heyvanları kəsən, satan fermerlər üçün hər hansı bir maneə yaradılmamalıdır. Eyni zamanda yerli icra orqanları fermerlərin qurbanlıq qoyunlarının daşınması üçün onlara yardım göstərməlidir ki, bu da qiymət artımının qarşısı bir qədər alsın."
Xatırladırıq ki, İqtisadiyyat və Sənaye və Kənd Təsərrüfatı nazirliklərinin birgə yaydığı məlumatda deyilir ki, satış yarmarkaları oktyabrın 4 və 5-də keçiriləcəkdir. Bu bayramda heyvanların satış qiymətlərinin isə 90-95 manat və daha ucuz qiymətlərlə vətəndaşlara təqdim olunacağı gözlənilir.
Fatimə İbrahimova
Ölkə.az
