Ağcabədidə kredit təşkilatına basqın edildi

Azərbaycanın Ağcabədi rayonunda kredit təşkilatına basqın edilib.

Ölkə.Az xəbər verir ki, APA-nın Qarabağ bürosunun məlumatına görə, hadisə şəhər ərazisində yerləşən “Maliyyə İnkişaf” Qeyri-Bank Kredit Təşkilatında qeydə alınıb. Üç nəfər maskalı naməlum şəxs gecə saatlarında kredit təşkilatının mühafizəçisinə hücum edərək, oğurluq etmək istəyib. Hadisə yerinə gələn Ağcabədi Rayon Polis Şöbəsinin əməkdaşları həmin şəxsləri tutublar.

Ağcabədi Rayon Polis Şöbəsindən APA-ya bildirilib ki, saxlanılan şəxslər digər cinayətlərdə şübhəli bilindikləri üçün onların kimliyi barədə ətraflı məlumat verilmir.

Ölkə.Az