İŞİD işğal ərazilərində xarici valyutaları sıxışdıracaq

630-cu ildə olan valyuta dövriyyəyə buraxılır

Ölkə.Az xəbər verir ki, Suriya və İraqda geniş əraziləri zəbt edən İŞİD terror təşkilatı yaxın günlərdə Mosul şəhərində bütün xarici valyutaları sıxışdıraraq, qızıl dinarları dövriyyəyə buraxacaq.

Bu barədə məlumat İraqın "Əs-Sumariyə" telekanalı tərəfindən yayılıb. 630-cu ildə xəlifə Osmanın dövründə istifadə olunan qızıl sikkələr məhz belə adlanırdı. Yaraqlılar yeni valyuta ilə bağlı məlumatı Mosul məscidlərində səsucaldan vasitəsilə elan ediblər.

Xatırladaq ki, bir müddət öncə özünü dövlət elan etmiş İŞİD terror qruplaşması, pasport istehsalından sonra qızıl və gümüş sikkələr buraxmağı planlaşdırırdı. Bu sikkələrin "İslam Dövləti" (İD) ərazisində pul vahidi kimi istifadəsi nəzərdə tutulurdu.

Rəşid Mustafazadə

Ölkə.Az