Kiyevdə toqquşmalar başladı - Ali Radaya hücum olundu

265 deputat ölkənin demərkəzləşdirilməsinin lehinə səs verib

Ölkə.Az xəbər verir ki, Ukraynanın paytaxtı Kiyevdə Ali Rada yaxınlığında deputatların demərkəzləşdirmə ilə bağlı uğurlu səsverməsi xəbərindən sonra etirazçılar, polis və Milli Qvardiya əməkdaşları arasında toqquşmalar başlayıb.

Etirazçılar parlament yaxınlığındakı metal hasarları yelləməyə başlayıblar. Hüquq-mühafizə orqanları buna reaksiya verib və etirazçılar şüşə qablar, tüstü bombalarından istifadə ediblər.

Cavab olaraq rezin dəyənəklər işə salınıb. Ali Rada yaxınlığında güclü partlayış qeydə alınıb. Toqquşma və partlayış nəticəsində artıq xəsarət alanlar da var. Onların 15-i hüquq-mühafizə orqanları əməkdaşlarıdır.

Hazırda Radaya daha bir polis kordonu cəlb edilib.

Qeyd edək ki, 265 deputat ölkənin demərkəzləşdirilməsinin lehinə səs verib.

Rəşid Mustafazadə

Ölkə.Az