Azərbaycanın xalq mahnısı Lyublyananın mərkəzində

Sloveniyanın paytaxtında küçə ifaçılarının oxuduğu Azərbaycan mahnısı böyük marağa səbəb olub.

Ölkə.Az xəbər verir ki, Lyublyanada istirahət edən bir qrup azərbaycanlı şəhərin mərkəzində hərəkət edən zaman sloveniyalı ifaçıların Azərbaycanın xalq mahnısı “Ay, Laçın”ı ifa etdiklərini eşidiblər.

Azərbaycanlılar ifaçılara yaxınlaşaraq mahnını onlarla birgə oxumağa başlayıblar, daha sonra onların ifasını lentə alıblar.

Görüntülər qısa bir zamanda sosial şəbəkələrdə yayımlanıb. Sosial şəbəkə istifadəçiləri sloveniyalı küçə ifaçılarının Azərbaycanın xalq mahnısını mükəmməl oxuduqlarını vurğulayıblar.