Azərbaycanda yaşayan Türkiyə vətəndaşları Ərdoğana səs veriblər - YENİLƏNİB

Azərbaycanda yaşayan Türkiyə vətəndaşlarının səsverməsinin nəticələri açıqlanıb.

“Report” xəbər verir ki, ölkəmizdə yaşayan türkiyəli seçicilər “Cümhur İttifaqı”nın namizədi, hakim Ədalət və İnkişaf Partiyasının sədri, hazırkı dövlət başçısı Rəcəb Tayyib Ərdoğanı dəstəkləyib.

Azərbaycandakı səsvermənin nəticələri aşağıdakı kimi olub:
R.T.Ərdoğan - 49,42 faiz (3642 səs)

“Millət İttifaqı”nın namizədi, müxalif Cümhuriyyət Xalq Partiyasının sədri Kemal Kılıçdaroğlu 41,92 faiz (2768 səs).

***
Türkiyədə prezident və parlament seçkiləri üçün Azərbaycanda keçirilən səsvermənin ilkin nəticələri açıqlanıb.

Oxu24.com xəbər verir ki, bu barədə "Anadolu" agentliyi məlumat yayıb.

Məlumata görə, Azərbaycanda seçici fəallığı 78.4% olub.

Hazırda səslərin 6.7%-i sayılıb.

Bu nəticələrə görə, hazırkı prezident Rəcəb Tayyib Ərdoğan 50.23%, CHP sədri Kemal Kılıçdaroğlu 42.91, ATA ittifaqının namizədi Sinan Oğan 5.76%, namizədlikdən geri çəkilmiş Məmləkət partiyasının sədri Müharrem İnce 1.09% səs toplayıb.