Karqo sifarişlərlə bağlı gömrükdə dəyişiklik olub? - XƏBƏRDARLIQ

“Ölkə.Az” xəbər verir ki, artıq vətəndaşlardan xaricdən sifariş edilən malların daşınması ilə bağlı əlavə ödənişlərin “Smart Customs”a daxil edilməsinin tələb olunacağı iddia olunur. 

Sadə yolla izah etsək, əvvəllər bağlamanın karqo şirkətinin ölkə xaricindəki anbarına daşınması xərci, məhsulun ümumi dəyərinə daxil edilmirdi. Bildirilir ki, indi isə bu xərc də məhsulun ümumi dəyərinə əlavə ediləcək və bununla da məbləğ hər bir şəxs üçün xarici ölkələrdən məhsul sifarişi ilə bağlı müəyyən olunmuş 300 dollarlıq limitə daxil olacaq.

Yerli daşıma şirkətlərindən biri olan “Starex” artıq bununla bağlı müştərilərinə xəbərdarlıq edib: “10 kq-dan yuxarı bağlamalar üçün gömrük tərəfindən hər kq-a görə 1,5 dollar daşınma xərci hesablanır”. 

Şirkət bu məbləğin həm də 300 dollarlıq gömrük limitinə təsir edəcəyini əlavə edib.  

Maraqlıdır ki, ölkəxaricindəki daşıma xərcinin, məsələn, “Trendyol” portalı vasitəsilə Türkiyədəki nəqliyyat xərcinin həqiqi dəyəri deyil, komitənin müəyyən etdiyi məbləğin hesablanacağı bildirilir.

Həmçinin may ayından etibarən çəkisi 10 kq-dan artıq olan bağlamaların gecikməsi və yaranan problemləri bəzi şəxslər gömrükdəki yeniliklə əlaqələndirir.

Məsələ ilə bağlı “Ölkə.Az” Dövlət Gömrük Komitəsinə sorğu göndərib.

İKT üzrə ekspert Osman Gündüz isə mövcud hala belə şərh verib: “Vətəndaş bilərəkdən “Trendyol”a olan daşıma ilə bağlı ödəniş qəbzini saxtalaşdırmalı və “Smart Customs”a bəyan edərkən malın gömrük dəyərini artırmaq üçün yol xərcini yüksək göstərməlidir”.

Könül
Ölkə.Az