Qurbanovdan “Qarabağ”a yeni transfer
Avropa Liqasına vəsiqə qazanan "Qarabağ" heyətini daha bir futbolçu ilə gücləndirir.
Komandanın baş məşqçisi Qurban Qurbanov çətin sınaq öncəsi hücum xəttinin gücləndirilməsini vacib hesab edib.
Uzun zamandı diqqətdə saxlanılan Samuel Armenterosla sonunda razılıq əldə olunub. İsveçli forvard qarşıdakı günlərdə Bakıya gələrək rəsmi sözləşməyə imza atacaq. Çox güman ki, onunla 2+1 illik müqavilə imzalanacaq. O, "Qarabağ"a azad agent statuslu futbolçu kimi keçəcək.
Fərdi ustalığı ilə seçilən 25 yaşlı Armenterosun sonuncu iş yeri Hollandiyanın "Villem II" klubu olub. O, bundan öncə "Feyenord"da icarə əsasında çıxış edib. Samuel qısa müddət ərzində Belçikanın "Anderlext" klubunun formasını da geyinib. İsveç U-21 millisinə qədər yüksələn hücumçu "Herenven" və "Herakles" klublarının uğurları üçün da çalışıb. ( sport7.az)
Ölkə.Az
