Lavrov bu gün Bakıda Dağlıq Qarabağ münaqişəsini müzakirə edəcək

Rusiyanın ATƏT-in Minsk qrupunda həmsədr kimi rolu müzakirə ediləcək

Ölkə.Az xəbər verir ki, Rusiya Federasiyasının xarici işlər naziri Sergey Lavrov bu günün ikinci yarısında Azərbaycana işgüzar səfər edəcək.

Bu barədə məlumat Rusiya XİN-dən verilib.

"Azərbaycan Respublikasının xarici işlər naziri Elmar Məmmədyarovla regiondakı vəziyyətin, çoxtərəfli və ikitərəfli gündəliyin qarşılıqlı maraqlarını təmsil edən məsələlərin müzakirə ediləcəyi danışıqlar baş tutacaq", - deyə məlumatda qeyd olunub.

Sputnik.az-ın məlumatına əsasən, Bakıda ikitərəfli münasibətlərin müxtəlif aspektləri, Dağlıq Qarabağ münaqişəsinin nizamlanması, Rusiyanın ATƏT-in Minsk qrupunda həmsədr kimi rolunun müzakirə ediləcəyi gözlənilir.

Rəşid Mustafazadə

Ölkə.Az