Elektron siqaretlərdəki qorxunc həqiqət: Dilin altında qalanda...

Ölkə.Az xəbər verir ki, bu sözləri türkiyəli professor Səid Qaraqurd söyləyib.

"Elektronik siqaretlərin içərisində nikotin olan kartriclər var. Kartriclər batareyaya əsaslanan enerji mənbəyi ilə qızdırılır və tüstü çıxarır. Nikotinlə birlikdə olan digər maddələr orqanizmə zərər vurmaq, hətta kanserogen (xərçəng xəstəliyi) olmaq qabiliyyətinə malikdir. Zövq üçün ona ətirli ləzzətlər əlavə edilir. Bu üzvi maddələr yüksək temperaturda kanserogenə çevrilir. Eyni şey siqaretə də aiddir. Siqaret yandırıldıqda yaranan istilik tütün və kağızın tərkibindəki üzvi maddələrin kanserogenlərə çevrilməsinə səbəb olur.

Aparılan araşdırmalarda ağciyər xərçənginin əmələ gəlməsi və asılılıq baxımından siqaretdən heç bir fərqinin olmadığı məlum olub. Elektron siqaretin tərkibindəki maddələr cihazın sisteminə görə xeyli kiçik hissələrə bölünür və bu hissəciklərin ağciyərin ən uzaq hissələrinə getməsini asanlaşdırır.

Kartriclərə görə, nikotinin miqdarı 12 milliqramdan başlayır və 36 milliqrama qədərdir. Asılılıq yaratma ehtimalı daha yüksəkdir. Çünki elektron siqaretlərdən daha çox nikotin alınır. Qəbul etmədikdə diqqətsizlik, əllərdə titrəmə, diqqəti cəmləyə bilməmə, yatmaq kimi problemlər baş verir. 

Tərkibində olan kanserogenlər dilaltı damarlar vasitəsilə sorulur, qanla qarışır, bütün bədənə yayılır və zərər verir.

Məsələn, ürək xəstələrində ağrı yarandıqda dilaltı həb verilir. Çünki dilin altında çoxlu damarlar var. Buradan həb dərhal sorulur, qana keçir və 2 dəqiqə ərzində təsir göstərir. Siqaret çəkdikdə də həmçinin tüstü ağızda qalır. Beləliklə, bu, sürətlə dilin altındakı damarlara enir və bütün bədənə yayılır. Bu səbəbdən təkcə ağciyərlər deyil, bütün bədən təsirlənir", - deyə o, əlavə edib.

Belə ki, 2000-ci illərin əvvəllərində Çində istehsal edilən elektron siqaretlər dünyanın bir çox yerində qadağan edilsə də, hələ də istifadəsinə icazə verən ölkələr var.

Günay