3 yaşlı Yusif sizin köməyinizə möhtacdır

Həyat belədir ki, biz insanlar nə ağır xəsəliklərdən, nə də ölümdən sığortalanmamışıq. Amma belə xəstəliklərə azyaşlı uşaq düçar olanda, bu əsl fəlakətə çevrilir, çünki hələ həyatı yaşamamış, onun şirinliyini dadmamış bir körpənin yataqda qalması ürək ağrıdan bir hadisədir.

Balaca Yusifin cəmi 3 yaşı var. Ona dünən kəskin leykoz diaqnozu qoyublar. Vəziyyət elə yerə gəlib çatıb ki, xəstəlik özünü birdən-birə büruzə verib və onun gənc ailəsi buna hazır olmayıblar. Onlar üçün övladlarının bu ağır xəstəliyə tutulması xəbəri əsl şok təsiri bağışlayıb. Uşaq onkologiyası isə hər zaman özünü açıq şəkildə büruzə vermir.

Həkimlərin diaqnozuna əsasən Yusifin sümük iliyinin 93% sıradan çıxıb. Bu isə onun həyatının təhlükədə olması deməkdir. Balaca Yusifin müalicəsini davam etdirməsi üçün maliyyə vəsaitinə ehtiyacı var. İstənilən məbləğ onun üçün həyati əhəmiyyət kəsb edir. Xahiş edirik ki, bu xəbəri oxuyub yan ötməyin, kimin nə imkanı var bu balaca körpəyə yardım əlini uzatsın! Yardım edən əllər var olsun!

Əlaqə nömrələri: (070) 652-92-92, Eldar və Bənövşə Mürsəlovlar.

Ölkə.Az