Miqrantlara görə Budapeştin vağzalı bağlandı
Onların böyük hissəsi buradan Almaniyaya yollanıb
Ölkə.Az "Reuters" agentliyinə istinadən xəbər verir ki, Macarıstan hökuməti miqrantlara görə paytaxt Budapeştin ən iri vağzallarından birini müvəqqəti olaraq bağlayıb.
Bir müddət öncə bir neçə yüz miqrant vağzal yaxınlığında yerləşən düşərgələri tərk edərək qatarlara minmişdilər. Bununla bağlı bir neçə beynəlxalq qatarların göndərilməsini dayandırmaq qərara alınıb. Macarıstanın miqrasiya hökuməti ötən həftə Serbiyadan ölkəyə bir günə 3241 qaçqının gəldiyi barədə məlumat verib. Bazar ertəsi isə Budapeştdən Vyana şəhərinə 3650 qaçqın daxil olub.
Avstriya KİV-nin məlumatına əsasən, onların böyük hissəsi buradan Almaniyaya yollanıb.
Qeyd etmək lazımdır ki, miqrantların böyük əksəriyyətinin Avropa İttifaqı ölkələrinə daxil olması üçün lazımi vizası yoxdur. Lakin miqrantların çoxluğu onlar üzərində nəzarəti çətinləşdirir.
Rəşid Mustafazadə
Ölkə.Az
