Politoloq: \"Lavrovun səfəri geosiyasi məsələlərlə bağlıdır\"

Rusiya Federasiyasının xarici işlər naziri Sergey Lavrov bu gün Azərbaycana işgüzar səfər edəcək.

Rusiya Xaric İşlər nazirliyindən verilən məlumata görə, Azərbaycan Respublikasının xarici işlər naziri Elmar Məmmədyarovla regiondakı vəziyyətin, çoxtərəfli və ikitərəfli gündəliyin qarşılıqlı maraqlarını təmsil edən məsələlərin müzakirə ediləcəyi danışıqlar baş tutacaq.

Rusiya Xarici İşlər nazirinin ölkəyə səfərini bəzi siyasətçilər Milli Məclisə seçilər ərəfəsində hansısa mesajların veriləcəyi kimi qiymətləndirir.

Rusiyalı nazirin ölkəmizə səfərini politoloq Elxan Şahinoğlu Ölkə.Az-a şərh edib.

Elxan Şahinoğlu: "Seçkilərə hələ iki ay var. İnanmıram Lavrovun səfəri sırf seçki ilə bağlıdır. Bu parlament seçkiləridir. Prezident seçkiləri olsa demək olar ki, müəyyən təsirləri ola bilər. Bu səfər Qarabağ məsələsi ilə də bir o qədər bağlı deyil. Bu səfər geosiyasi məsələlərlə bağlıdır. Azərbaycanın Qərblə yaxınlaşması, enerji resuslarının Avropaya daşınması, Türkiyə ilə hərbi ittifaq. Bütün bu məsələlər görünür Rusiyanı narahat edir. Lavrovun Bakıya səfəri bununla bağlı ola bilər...".

Səxavət Məmməd
Ölkə.Az