Yəməndə Qırmızı Xaçın əməkdaşları öldürüldü

Hadisə Yəmənin Amran vilayətində qeydə alınıb

Ölkə.Az xəbər verir ki, Yəmənin şimalında Beynəlxalq Qırmızı Xaç komitəsinin iki əməkdaşı qətlə yetirilib.

"Reuters" informasiya agentliyinin məlumatına əsasən, hadisə Yəmənin Amran vilayətində qeydə alınıb.

Avqustun sonunda komitə Aden şəhərində hücumdan sonra fəaliyyətini müvəqqəti dayandırmışdı.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb.

10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir.

Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az