Türkiyə lirəsi ucuzlaşır: Manat qarşısında yeni rekord
Türkiyənin milli valyutası ucuzlaşmaqda davam edir.
“Ölkə.Az” xəbər verir ki, bu gün səhər saatlarında dollar-lirə nisbəti 20,24 səviyyəsinə çatıb. Daha sonra 20,16 lirə səviyyəsinə düşən dollar yenidən 20,20 lirə səviyyəsinə yüksəlib.
Cümə günü 19,96 həddində ticarət olunan USD/TRY nisbəti bazar ertəsi də 20,11 həddinə yüksəlmişdi.
Avro-lirə nisbəti isə 21,70 səviyyəsini ötüb.
Türkiyə lirəsi manat qarşısında da ucuzlaşıb. Belə ki, Azərbaycan Mərkəzi bankının rəsmi məzənnələrinə əsasən lirə 1,1% ucuzlaşaraq 0,0841 manata enib və tarixi minimumunu yeniləyib.
Könül
Ölkə.Az
