Bakıda nüfuzlu iş qadını məhkəməyə verildi
Azərbaycanda Qadın Sahibkarlığının İnkişafı Assosiasiyası (AQSİA) İctimai Birliyinin təsisçilərindən biri məhkəməyə verilib.
“Ölkə.Az”ın məlumatına görə, İqtisadiyyat Nazirliyi yanında Dövlət Vergi Xidməti Bakı Şəhəri Kiçik Sahibkarlıqla İş üzrə Baş İdarəsi Abdullayeva Cəmilə Sabir qızı ilə bağlı Bakı Kommersiya məhkəməsinə müraciət edib.
Məhkəmə işinin mahiyyəti vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlər üzrə icraatdır.
Məhkəmə hakim Kənan Hüseynovun sədrliyi ilə baş tutacaq.
Qeyd edək ki, C. Abdullayeva AQSİA-nın təsisçilərindən biri olmaqla yanaşı, birliyin İdarə Heyətinin sədr müavinidir. C. Abdullayeva həmçinin 2020-ci ildə Azərbaycan Milli Məclisinə növbədənkənar seçkilər üzrə deputatlığa namizədliyini irəli sürüb.
Könül
Ölkə.Az
