Məhkum 26 il sonra edam edildi
ABŞ-ın Missouri ştatında 26 il əvvəl 15 yaşındakı qızı öldürən məhkum edam edilib.
50 yaşlı Roderick Nunley Bonne-Terre şəhərindəki Missouri Əyalət Həbsxanasında ölümcül dərman verilərək öldürülüb.
Nunley Missouri əyalətində bu il edam edilən altıncı məhkum olub.
Qeyd edək ki, 1989-cu ildə Nunley və dostu Michael Taylor Kansas City məktəb avtobusunu gözləyən Ann Harrisonu qaçırmışdı. O, həm də 15 yaşlı qızı zorlamaq və öldürməkdə günahlandırılmışdı. İki dosta 1991-ci ildə edam hökmü verilmişdi.
Missouri valisi Jay Nixon Nunley və Taylor əfv müraciətini rədd etmişdi. Taylor isə keçən il edam edilmişdi. (qafqazinfo)
Ölkə.Az
