Məşhur müğənninin Dərbənddə çıxışına qadağa qoyuldu

"Mənə çox pis təsir etdi"

Ölkə.Az xəbər verir ki, Rusiyanın tanınmış müğənnisi Jasminin adı Dərbəndin 2000 illiyi münasibətilə təşkil olunacaq bayram tədbirlərinin afişalarından çıxarılıb.

Bu addım Dağıstanın Mədəniyyət Nazirliyi tərəfindən atılıb. Hökumət dairələri bunun səbəblərini izah etməyiblər.

Jasmin isə olanlardan narazılığını ifadə edib.

"Mənə çox pis təsir etdi. Anlamıram, axı, niyə doğma şəhərim mənimlə belə davransın. Mən bayram günü qalada, növbəti gün isə meydanda çıxış etməli idim. Biz hər şeyi müzakirə etmiş, razılığa gəlmişdik. Sonra isə mən sadəcə proqramdan yox oldum. Məsələnin nə yerdə olduğunu başa düşmürəm", - deyə Jasmin şikayət edib.

Rusiyalı müğənni Jasmin (Sara Semenduyeva) Dağıstanın Dərbənd şəhərində yəhudi ailəsində anadan olub və orada əməkdar artist fəxri adını alıb. O, müğənnilik karyerasına 1999-cu ildən başlayıb. Jasmin bundan əvvəl ailəli olub və bir oğlu var.

38 yaşlı Jasmin 4 il əvvəl Moldova oliqarxı 28 yaşlı Şor ilə ailə həyatı qurub. 2012-ci ilin fevralında cütlüyün Marqarita adlı qızı dünyaya gəlib.

Rəşid Mustafazadə

Ölkə.Az