Türkiyəyə gedən azərbaycanlı turistlərin sayı artdı

2015-ci ilin 7 ayında Türkiyəyə 82 min 307 nəfər azərbaycanlı ziyarət edib. Bu da 2014-cü ilin anoloji dövrü ilə müqayisədə 2 392 nəfər və ya 2,99% çoxdur.

Bu barədə Türkiyənin Mədəniyyət və Turizm Nazirliyindən bildirilib.

Türkiyəyə gələn azərbaycanlıların bu ölkəyə gələn ümumi millətlər arasında payı, 2013-cü ilin 7 ayında 1,56%, 2014-cü ilin müvafiq dövründə 1,53%, 2015-ci ilin 7 ayında isə 1,50% olub.

Bundan başqa, nazirlik qeyd edib ki, 2014-cü ilin yanvar-iyul ayları ərzində Türkiyəyə 79 915 azərbaycanlı gəlib bu da 2013-cü ilin anoloji dövrü ilə müqayisədə 11,71% çoxdur.

Xatırladaq ki, 2013-cü ilin 7 ayında Türkiyəni 71 min 537 nəfər azərbaycanlı ziyarət edib.

Qeyd edək ki, bu ilin 7 ayında Türkiyəyə gələn turist sayısı 0,38% azalaraq, 20,4 milyon nəfər olub.

İyulda bu ölkəni ən çox Almaniya, Rusiya və İngiltərə vətəndaşları ziyarət edib.oxu.az

Ölkə.Az