Sənada sünni və şiələrin olduğu məscidi kim partlatdı?

Təşkilat özü bəyanat yayıb

Ölkə.Az "The Daily Star" qəzetinə istinadən xəbər verir ki, İŞİD terror təşkilatı Sənada məsciddə törədilmiş terror aktına görə məsuliyyəti üzərinə götürüb.

Bu barədə təşkilat özü bəyanat yayıb.

Çərşənbə günü Yəmənin paytaxtı Sənada yerləşən məsciddə iki partlayış qeydə alınıb. Polislərin sözlərinə görə, axşam namazı zamanı terrorçu-kamikadze özünü partladıb. Eyni zamanda məscidin girişində daxilinə partlayıcı quraşdırılmış avtomobil partlayıb.

Onlarla ziyarətçi yaralanıb, onların bir çoxu kritik vəziyyətdə xəstəxanaya yerləşdirilib. Bu səbəbdən qurbanların sayı arta bilər.

Məsciddə həm sünni, həm şiələrin namaz qıldığı bildirilir.

Rəşid Mustafazadə

Ölkə.Az