Bakıda aktyora qarşı cinayət törədildi

Cəfər Cabbarlı adına İrəvan Dövlət Dram Teatrının aktyoru Ramiq Nəsirova qarşı dələduzluq edilib

Bu barədə Ölkə.Az-a aktyor özü məlumat verib. R.Nəsirov bildirib ki, "Facebook" sosial şəbəkəsində "Kredit almağa yardım edirik" adlı profildə elan görüb və kredit götürmək üçün müraciət edib:

"Profildə elan var idi. Özünü Elşad Quliyev kimi təqdim edən şəxslə danışdıq və bildirdi ki, on min manata qədər kredit götürməyimə yardım edə bilər. 0553172681 nömrəsi ilə əlaqə saxladıq. Bildirdi ki, pul hazırdı və "şapka" kimi onun hesabına 300 manat köçürməliyəm. Pulu onun istəyi ilə Həmidov Azad Cavanşir oğlunun hesabına köçürdüm. Sonra krediti nə vaxt götürə biləcəyimi soruşdum. Dedi ki, nə pul? Hüquq mühafizə orqanlarına şikayət edəcəyimi deyəndə təhqirlə cavab verdi və bildirdi ki, hara istəyirsən şikayət et. Danışığımızın səs yazısı da var, lazım olsa onları da təqdim edəcəyəm".

Ramiq Nəsirovun redaksiyamıza göndərdiyi fotoları təqdim edirik: