Litvada da NATO qərargahı açılır
Stoltenberq Litvaya səfər edəcək
Ölkə.Az xəbər verir ki, NATO-nun baş katibi Yens Stoltenberq cümə axşamı Litvaya səfər edəcək.
Bu barədə Şimali Atlantik Alyansın mətbuat xidmətindən məlumat yayılıb. Vilnüsda Stoltenberq Litva prezidenti Dalya Qribauskayte, xarici işlər naziri Linas Linkeviçüs və müdafiə naziri Yuozas Olekasla görüşlər keçirəcək.
NATO baş katibi həm də NATO qüvvələrinin inteqrasiya qüvvələrinin qərargahının açılış mərasiminə qatılacaq.
Xatırladaq ki, NATO-nun alyansa daxil olan Şərqi Avropa ölkələrində 6 yeni qərargah açacağı barədə xəbərlər yayılmışdı.
Bolqarıstan, Latviya, Litva, Polşa, Rumıniya və Estoniyada açılacaq hər bir qərargahda 40-a yaxın hərbi qulluqçu dislokasiya olunacaq. Onların yarısı müvafiq dövlətin ordusunu təmsil edəcəklər.
NATO-nun Şərqi Avropadakı dayaq nöqtələrinin əsas vəzifəsi alyansın qüvvələrinin təlimlərinin planlaşdırılması olacaq.
Rəşid Mustafazadə
Ölkə.Az
