Stoltenberq: \"NATO Rusiya ilə dialoqdan imtina etməməlidir\"

"Danışıqlar masası arxasında görüşməliyik"

Ölkə.Az xəbər verir ki, NATO-nun baş katibi Yens Stoltenberqin bəyanatına görə, alyansa daxil olan ölkələr Rusiya Federasiyası ilə dialoqdan imtina etməməlidirlər.

Stoltenberq qeyd edib ki, Ukrayna böhranı ilə bağlı qərb ölkələri və Rusiya arasında münasibətlərin pozulmasına baxmayaraq, dialoq dayandırılmamalıdır.

"Bizdə fikir ayrılıqları var, ancaq məhz buna görə biz danışıqlar masası arxasında görüşməliyik. Dialoqa getməyin zəiflik göstərici olması fikri yanlışdır", - deyə katib qeyd edib.

Onun fikrincə, gərginliyin güclənməsi əksinə dialoq üçün əlavə arqumentlərdir.

Bir müddət öncə Yens Stoltenberq alyansı bütün dövrlərin ən güclü müdafiə ittifaqı adlandırıb.

Onun sözlərinə görə, Rusiya mütəmadi olaraq nüvə silahının adını müdafiə strategiyasının tərkib hissəsi kimi hallandırır. Stoltenberq bəyan edib ki, Rusiya özünü aqressiv aparsa da, Qərblə "soyuq müharibə" vəziyyətində deyil.

Rəşid Mustafazadə

Ölkə.Az