Millət vəkili zəlzələdən yazdı: "Otaqlarda çat əmələ gəlib"

Aydın Mirzəzadə: "Mingəçevirdə zəlzələdə bəzi binaların otaqlarında çat əmələ gəlib"

Ölkə.Az xəbər verir ki, bunu həmin bölgədən olan millət vəkili Aydın Mirzəzadə öz "Facebook" profilində yazıb:

"Mingəçevirdə zəlzələ oldu, hətta bəzi binaların otaqlarında çat əmələ gəlib. Şəhər icra hakimiyyətinə, tanışlara zəng etdim. Hələ ki, dağıntılar və ağır fəsadlar barədə xəbər yoxdur.
Həmin vaxtı Bakıda olduğum otaqda lyustrun zəif tərpənişini mən də hiss etdim", - deyə Mirzəzadə qeyd edib.

Xatırladaq ki, Respublika Seysmoloji Xidmət Mərkəzindən Ölkə.Az-a verilən məlumata görə, yerli vaxtla saat 09:49-da Şəkidən 29 km aralı Şəki ərazisində zəlzələ qeydə alınıb.

Zəlzələ episentrdə 7 bal, yaxın yaşayış məntəqələrində 6.5 bala qədər hiss olunub. Hazırda zəlzələnin nəticələri araşdırılır. Dağıntılar haqqında hələlik heç bir məlumat yoxdur.

Rəşid

Ölkə.Az