BMT qaçqınlarla bağlı Avropa İttifaqına müraciət etdi

Vahid strategiya hazırlamağa çağırıb

Ölkə.Az xəbər verir ki, BMT-nin qaçqınlarla iş üzrə ali komissarı Antoniu Quterreş Avropa İttifaqı ölkələrini İraq, Suriya və Əfqanistandan gələn 200 min miqrantı qəbul etməyə çağırıb.

Onun sözlərinə görə, Aİ ölkələri Avropaya qanuni olaraq daxil olan qaçqınlara geniş imkanlar verməlidir. O, miqrant böhranının həlli ilə bağlı vahid strategiya hazırlamağa, Yunanıstan, Macarıstan və İtaliyanı isə qaçqınların qəbulu ilə məşğul olan mərkəzləri quraşdırmağa çağırıb.

Son dövrlər miqrant problemi dərinləşməkdədir.

Almaniya bu il ölkəyə 800 min qaçqının gəlişini gözləyir. Bu barədə Almaniya əmək və sosial siyasət naziri Andrea Nales bəyan edib. O qeyd edib ki, miqrantların əmək bazarına daxil olması asanlaşdırılacaq.

Dünən isə Macarıstan paytaxtında iki minə yaxın qaçqın vağzaldan istifadə edə bilmədiyi üçün etiraz aksiyası keçirib.

Onlar Budapeştin dəmiryol vağzalının binasına hücum edərək qatarları silkələməyə başlayıblar. Macarıstandan Qərbi Avropa ölkələrinə getmək üçün bir müddətlik paytaxtdan hərəkət edən qatarların hərəkəti müvəqqəti dayandırılıb.

Miqrantlar artıq qatarları tamamilə doldurublar və onları tərk etməkdən imtina edirlər.

Xatırladaq ki, bir müddət öncə Avstriyada 70-ə yaxın qeyri-qanuni miqrantların meyiti olan yük maşını aşkar edilmişdi. Avtomobillə mühacirlər ölkəyə gətirilirib və onlarla mühacir avtomobilin qoşqusunda boğularaq ölmüşdülər. Onlar Avstriya ilə Macarıstanı birləşdirən avtomobil yolunda tapılıblar.

Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az