Yəməndə BƏƏ hərbçiləri həlak oldu
Onlardan ikisinin qeyri-döyüş şəraitində dünyasını dəyişdiyi deyilmişdi
Ölkə.Az xəbər verir ki, BƏƏ silahlı qüvvələrinin ali komandanlığı Yəməndə Səudiyyə Ərəbistanının rəhbərliyi altında koalisiyanın həyata keçirdiyi hərbi əməliyyat zamanı 22 əsgərinin həlak olduğunu bəyan edib.
Baş verənlər barədə təfərrüatlar açıqlanmır. Bu vaxta qədər BƏƏ-dən 7 hərbçinin öldüyü barədə xəbər yayılmışdı. Onlardan ikisinin qeyri-döyüş şəraitində dünyasını dəyişdiyi deyilmişdi.
Dünən Səudiyyə Ərəbistanı və BƏƏ ordusu quru qoşunları Yəmənə daxil olub.
Qeyd edək ki, istefa verərək Səudiyyəyə qaçmış Yəmən prezidenti ölkə iqtisadiyyatını idarə edə bilməməkdə, Səudiyyənin göstərişləri ilə Yəmən "Əl-Qaidə"si ilə əlaqələrdə ittiham olunurdu.
Xatırladaq ki, indiyədək Səudiyyə Ərəbistanı və koalisiya qüvvələri (Küveyt, Bəhreyn, BƏƏ, Qətər, İordaniya, Pakistan, Misir, Sudan) Yəmən ərazisinə çoxsaylı insan tələfatı və ölkənin infarstrukturunun dağılması ilə nəticələnən hava hucumları keçirib.
Rəşid Mustafazadə
Ölkə.Az
