Zəfəranın yuxusuzluğa müsbət təsiri

Ölkə.Az xəbər verir ki, Türkiyə, İspaniya, İtaliya, İran və s. ölkələrdə yetişdirilən zəfəran xüsusilə bioaktiv komponentlərinə görə çox qiymətli qida mənbəyidir.

1 kq zəfəran əldə etmək üçün təxminən 150.000 çiçək toplamaq lazımdır.

Bu bitki tərkibindəki kimyəvi birləşmələr sayəsində sakitləşdirici təsir yaradır. Bu təsir yuxu vaxtını tənzimləməyə və keyfiyyətli yuxu təmin etməyə kömək edir.

Zəfəran, həmçinin serotonin səviyyəsini artıraraq əhval-ruhiyyəyə müsbət təsir edir.

Buna görə də zəfəran stressin mənfi təsirləri ilə mübarizə aparmaq üçün təbii əlavə kimi istifadə edilə bilər.

Zəfəran yuxu və stresslə mübarizə kimi mövzularda əhəmiyyətli bir bitkidir..

Avstraliyanın Murdoch Universiteti tərəfindən aparılan və “Journal of Clinical Sleep Medicine” jurnalında dərc edilən bir araşdırmaya görə, 4 həftə ərzində zəfəran istifadə edən 120 nəfərin yuxu keyfiyyətində yaxşılaşma müşahidə edilib.

“The Nutrients” jurnalında dərc olunan başqa bir araşdırmaya görə 6 həftə zəfəran qəbul edən insanların yuxuya getməsi asanlaşıb və yuxu keyfiyyətini əhəmiyyətli dərəcədə yaxşılaşdırıb.

Ancaq istifadə etməzdən əvvəl nəzərə alınmalı olan bəzi məqamlar var.

Zəfəranın etibarlı mənbədən və apteklərdən yüksək keyfiyyətli olması vacibdir.

Yatmazdan 1 saat əvvəl gündə 1 kapsul qəbul etmək tövsiyə olunur.

Günay