Barak Obama Səudiyyə Ərəbistanının kralı ilə görüşdü

Əsas müzakirə mövzusu Yəmən və Suriyadakı vəziyyətin həlli yolu olacaq

Ölkə.Az xəbər verir ki, ABŞ prezidenti Barak Obama Səudiyyə Ərəbistanının kralı Salman ibn Abdüləziz əl-Səudla görüş keçirib.

Dairəvi masa arxasında keçən görüşdə ABŞ prezidenti qeyd edib ki, Salman ibnn Abdüləziz əl-Səudun hakimiyyətə gəlməsindən bəri ilk dəfədir ki, Vaşınqtona gəlir. Obama bunu ölkələr arasında uzun illər sürən dostluğun rəmzi kimi qiymətləndirib.

Kral ilk gəlişinin səbəbsiz olmadığını və ikitərəfli görüşün iki ölkə arasında münasibətləri daha da möhkəmləndirəcəyini bəyan edib.

Obama bildirib ki, o, kralla Yaxın Şərqdə və dünyadakı hazırki vəziyyəti müzakirə edəcək. Liderlərin əsas müzakirə mövzusu Yəmən və Suriyadakı vəziyyətin həlli yolu olacaq.

Ölkə.Az