9 rayonda qaz təchizatı məhdudlaşdırılır

Bu gün Azərbaycanın bir neçə rayonunun təbii qaz təchizatında məhdudiyyətlər olacaq.

 “Azəriqaz” İB-nin İctimaiyyətlə əlaqələr şöbəsindən verilən məlumata görə, qaz nəqli sistemində görülən işlər, yeni çəkilmiş qaz xətlərinin qaz təchizatı mənbəyinə birləşdirilməsi, avtomobil yolunun tikinti sahəsinə düşən mövcud qaz kəmərlərinin təhlükəsiz əraziyə köçürülməsi, eləcə də təmir-bərpa işləri ilə əlaqədar bu gün saat 12.00-dan saat 14.00-dək Hacı Zeynalabdin Tağıyev qəsəbəsinə, saat 14.00-dək Nərimanov və Yasamal, işlər başa çatanadək Binəqədi və Nəsimi, saat 15.00-dan 17.00-dək Sabunçu, saat 18:00-dək isə Şamaxı, İsmayıllı və Lənkəran rayonlarının bir hissəsinə təbii qazın verilişində fasilələr yaranacaq./apa/

Ölkə.Az