İŞİD silahlıları qadın jurnalisti atası ilə birlikdə edam edib
İŞİD terror qruplaşmasının silahlıları ötən Mosulda yerli qəzetin müxbiri İhlas əs Səatini və onun atasını edam ediblər.
Bu barədə Əs-Sümariyyə telekanalına Naynava polisinin nümayəndəsi Məhəmməd əl Cəburi bildirib.
Onun sözlərinə görə, güllələnərək öldürülən jurnalist Naynava əyalətinin şurası tərəfindən dərc edilən və bölgədəki hadisələri işıqlandıran qəzetin müxbiri olub. Onun atası Naynava əyalətinin inzibati mərkəzi Mosul şəhərində həmin qəzetin yayılması ilə məşğul olub.
İŞİD silahlıları onları fevralda həbs etmişdilər. (ans)
Ölkə.Az
