SMS xidməti söndürüldü

Problem texniki məsələlərlə bağlıdır

Ölkə.Az xəbər verir ki, Tacikistanda mobil rabitə operatorları dünən SMS xidmətini söndürüblər.

"Tсell", "MegaFon" və "Babylon mobile" operatorları bəyan edib ki, problem texniki məsələlərlə bağlıdır və tezliklə həlli tapılacaq. Ancaq SMS xidmətinin nə vaxt bərpa olunacağı hələlik bəlli deyil.

Qeyd edək ki, 2012-ci ilin iyulunda Tacikistanın Xoroqe şəhərində yerli təhülkəsizlik orqanı rəisinin öldürülməsindən sonra başlamış narazılıq dalğası zamanı SMS xidməti söndürülmüşdü.

Xatırladaq ki, ötən ay Tacikistanda dünyanın məşhur sosial şəbəkələri olan "Facebook" və "YouTube"a qadağa qoyulmuşdu.

Provayder şirkətlərindən biri bildirib ki, bazar ertəsi bütün provayderlara sözügedən şəbəkələrə girişin bağlanması ilə bağlı şifahi tapşırıq verilmişdi.

Rəşid Mustafazadə

Ölkə.Az