Azərbaycanlı diplomat arvadı ilə birgə Avstraliyaya qaçdı

Diplomat ölkə rəhbərliyinə də ittihamlar yağdırmışdı

Ölkə.Az "haqqin.az"a istinadla xəbər verir ki, Azərbaycan XİN əməkdaşı, ölkəmizin Avstraliyadakı səfirliyinin sabiq əməkdaşı Anar Həsənov Avstraliyadan siyasi sığınacaq istəyib.

Həsənov bu ilin iyulunda vətəninə qayıtmalı olsa da, bu günə qədər Bakıya gəlməyib.

Həsənovun həyat yoldaşı ilə birlikdə sığınacaq istəməsi xəbəri səfirliyin əməkdaşı Araz Xasiyev tərəfindən təsdiqlənib.

Qeyd edək ki, bir müddət öncə Anar Həsənov Azərbaycan XİN rəhbərliyinin ünvanına təhqiredici və təxribat xarakterli məktubla bir sıra yerli KİV-lərə müraciət etmişdi. Bundan əlavə, diplomat ölkə rəhbərliyinə də ittihamlar yağdırmışdı.

Dünən XİN mətbuat katibi Hikmət Hacıyev məsələyə aydınlıq gətirərək, Anar Həsənovun kobud pozuntulara görə vəzifədən uzaqlaşdırıldığı və uzunmüddətli məzuniyyətdən geri çağırıldığını bildirib.

Rəşid Mustafazadə

Ölkə.Az