Lirə manat qarşısında rekordunu yenilədi
Türkiyə lirəsi iyul ayının ilk iş günündə Azərbaycan manatı qarşısında rekord həddə ucuzlaşıb.
"Ölkə.Az"ın məlumatına görə, TRY/AZN nisbəti ötən rəsmi məzənnə ilə müqayisədə 3,12% azalaraq 0,0653 manata enib.
Lirə manat qarşısında tarixi minimumunu sonuncu dəfə cari ilin iyunun 23-də yeniləmişdi (0,0672 manat).
İyun ayının əvvəli ilə müqayisədə isə lirə manat qarşısında 20,27% dəyər itirib.
Qeyd edək ki, iyunun 22-də Türkiyə Mərkəzi Bankı uçot dərəcəsini gözləntilərdən daha az - 6,5% bəndi artıraraq 15%-ə yüksəltmiş, bu da lirənin sürətlə ucuzlaşmasına səbəb olmuşdu.
Həmçinin ABŞ Federal Ehtiyatlar Sisteminin (FED) uçot faiz dərəcələrini artıracağı ilə bağlı ehtimallar ucuzlaşmaya səbəb olan digər faktorlardandır.
Könül
Ölkə.Az
