Gənclər ekoloji təmiz ölkə üçün “Yaşıl Diyar” dan keçdi

Ətraf mühitin mühafizəsində gənclərin rolunun əhəmiyyəti aşılanıb

Ölkə.Az xəbər verir ki, Azərbaycan Respublikası Prezidenti yanında Gənclər Fondunun maliyyə dəstəyi və "İrəli" İB-in təşkilatçılığı ilə “Yaşıl diyar” layihəsi çərçivəsində Azərbaycan Respublikasının Şəmkir və Goranboy rayonlarında ekoloji maarifləndirmə apararaq “Ekologiya nədir?”, “Tullantıların idarə edilməsi”, “Ekoloji təhsil – Eko Fərd” və “Ətraf mühit və İnsan” mövzularında təlimlər keçirilib.

Təlimlər çərçivəsində region gənclərinə ekologiya elmi haqqında ilkin biliklər, ətraf mühitin mühafizəsində gənclərin rolunun əhəmiyyəti aşılanıb.

Praktiki-təlim sessiyalarında gənclərə nəzəri biliklərin ötürülməsi ilə yanaşı müxtəlif maarifləndirici oyunlar da keçirilib. Aktiv iştirak edən gənclər isə Şəhadətnamə ilə təltif olunub. Layihənin əsas məqsədi gənclərdə təbiətə olan marağı artıraraq, gənclərin ekoloji yöndə bilik və bacarıqlarının inkişafına dəstək olmaqdır.

Layihədə təbiətin əhəmiyyəti diqqət mərkəzində tutularaq gənclərə təlim zamanı əldə etdikləri biliklərlə gələcəkdə ekoloji aktiv bir həyat yaşamaq və bunu digər şəxslərə də aşılamaq arzusu qazandırılıb.

Ölkə.Az