Moldovanın başçısı getmək istəmir - "İstefa ölkənin maraqlarına uyğun deyil"
"Bu qərar bir saata qəbul edilmir"
Ölkə.Az xəbər verir ki, Moldova prezidenti Nikolay Timofti Kişinyovun mərkəzində toplaşanların istədiyi kimi istefaya getməyəcək.
Bu barədə ölkə başçısı administrasiysının baş katibi İon Peduraru bəyan edib.
"Bu tələb etirazçılar arasında bir gecəyə yaranıb və aksiyanın leytmotivinə çevrilib. Ancaq mövcud şəraitdə prezidentin istefası ölkənin maraqlarına uyğun deyil. Timofti istefa verməyəcək", - deyə Peduraru bildirib.
Onun sözlərinə görə, etirazçıların onun Böyük Milli Məclis meydanına çıxışı tələbi üzərində düşünür.
"Bu qərar bir saata qəbul edilmir. O, bu barədə sonradan fikirlərini ifadə edəcək", - deyə katib əlavə edib.
Xatırladaq ki, sentyabrın 6-dan Moldovanın paytaxtı Kişinyovda kütləvi anti-hökumət mitinqi keçirilir. Böyük Milli Məclis meydanına on minlərlə etirazçı toplaşıb.
Aksiya iştirakçıları hökumətin ölkədəki sosial-iqtisadi vəziyyətə görə məsuliyyət daşıdığını bəyan edir və anti-hökumət şüarları səsləndirirlər. Onların çoxu əllərində Moldova, Rumıniya və Avropa Birliyinin bayraqlarını tutub.
Etirazçılar bank sistemindən pulların oğurlanmasına səbəbkar olanların məsuliyyətə cəlb olunmasını tələb edirlər. Hələlik mitinqin sakit keçdiyi bildirilir. İctimai asayişi onlarla polis əməkdaşı qoruyur.
Moldovanın paytaxtı Kişinyovda etirazçılar 90-dan çox çadır qurublar.
İştirakçılar bəyan edir ki, konkret nəticələr əldə olunana qədər çadırların sayı artırılacaq. Bir müddət öncə hüquq-mühafizə orqanlarına qarşı davranışlara görə 8 nəfər həbs olunub.
Rəşid Mustafazadə
Ölkə.Az
