Bu ölkə OPEC-ə üzv olur

Dekabrda təşkilatın üzvü olacaq

Ölkə.Az xəbər verir ki, İndoneziya dekabrda neft ixrac edən ölkələr tərəfindən neftin qiymətinin tənzimlənməsi məqsədi ilə yaradılan OPEC təşkilatına üzv olacaq.

Bunu ölkənin enerji naziri Sudirman Səid bəyan edib. O bildirib ki, ölkə 2015-ci ilin dekabrında təşkilatın tamhüquqlu üzvü olacaq.

"Biz OPEC-in baş katibindən bütün üzvlərin İndoneziyanın təşkilata qəbul olunmasını müsbət qarşılaması barədə rəsmi məlumatı əldə etdik", - deyə nazir bildirib.

Neft İxrac Edən Ölkələr Birliyi və ya qısaca OPEC neft ixrac edən ölkələr tərəfindən neftin qiymətinin tənzimlənməsi məqsədi ilə yaradılan təşkilatdır. Bu təşkilatın üzvləri iqtisadiyyatı əsasən neftdən asılı olan dövlətlərdir.

OPEC daim fəaliyyətdə olan qeyri-hökumət təşkilatı kimi 1960-cı il sentyabr ayının 10-14-də Bağdadda keçirilən konfransda yaradılıb. Əvvəlcə İran, İraq, Küveyt, Səudiyyə Ərəbistanı və Venesuela (Venesuela təşkilatın yaranması təşəbbüsünə ilk dəfə 1949-cu ildə cəhd göstərib) təşkilata daxil olub.

Bu 5 ölkəyə sonradan Qətər, (1961), İndoneziya (1962), Liviya (1962), Birləşmiş Ərəb Əmirlikləri (1967), Əlcəzair (1969), Nigeriya (1971), Ekvador (1973-1992), Qabon (1975-1994), Anqola (2007) qoşulub. Ekvador 1993-cü ildə ya təşkilatın üzvlük haqqını ödəyə bilmədiyindən, ya da təşkilatın qərara aldığı miqdardan daha çox neft istehsal etmək istədiyindən təşkilatdan çıxıb. 2007-ci ildə isə İndoneziya təşkilatı tərk edib.

Təşkilatın qərargahı 1965-ci ildən Vyanada yerləşir.

Rəşid Mustafazadə

Ölkə.Az