Novruz Məmmədov: "Miqrasiya böhranı Avropanın siyasətinin nəticəsidir"

"Artıq miqrantlara qanundan kənarlar adı verilir"

Ölkə.Az xəbər verir ki, Prezident Administrasiyası rəhbərinin müavini, Xarici Əlaqələr Şöbəsinin müdiri Novruz Məmmədov öz “Twitter” səhifəsində Avropada yaşanan miqrant problemi barədə yazıb.

O bildirib ki, miqrasiya tarixinin araşdırılmasına böyük ehtiyac var. Bu hadisə müstəmləkəçiliklə birlikdə yaranıb, ondan törəmədir, onun qalığıdır”.

"Miqrasiya siyasəti I mərhələdə müstəmləkəçiliyi möhkəmləndirmək, asan həyata keçirmək üçün, II mərhələdə müstəmləkədən azad olmuş ölkəni öz nəzarətində saxlamaq üçün istifadə edilib. Hər iki mərhələdə miqrasiya siyasəti müstəmləkəçi dövlətlərin xüsusi maraqlarına xidmət edib. İndi bu siyasətin III mərhələsi başlayır. Bu mərhələdə miqrasiya artıq həmin dövlətlər üçün təhlükə mənbəyi hesab edilir. Bu mərhələdə artıq miqrantlara qanundan kənarlar adı verilir", - deyə Məmmədov yazıb.

Xatırladaq ki, bir müddət öncə Avstriyada 70-ə yaxın qeyri-qanuni miqrantların meyiti olan yük maşını aşkar edilmişdi. Avtomobillə mühacirlər ölkəyə gətirilirib və onlarla mühacir avtomobilin qoşqusunda boğularaq ölmüşdülər. Onlar Avstriya ilə Macarıstanı birləşdirən avtomobil yolunda tapılıblar.

Qeyd edək ki, 2015-ci ilin əvvəlindən Avropa İttifaqı ərazisinə 340 min miqrant daxil olub.

Rəşid Mustafazadə

Ölkə.Az