Avropa ölkələri etirazlara görə təcili iclas keçirdi

Minlərlə fermaçı etiraz etmək üçün Brüsselin "Avropa məhəlləsinə" toplaşıblar

Ölkə.Az xəbər verir ki, Avropa Birliyi ölkələri Brüsseldə fermaçıların etirazları ilə bağlı təcili iclas keçirməyə məcbur olub .

İclasda 28 Avropa Birliyi ölkələrinin kənd təsərrüfatı nazirləri görüşüb. Onlar süd və heyvandarlıq sektorlarında böhran vəziyyətinin aradan qaldırılması ilə bağlı müzakirələr ediblər.

Dünən Fransa və Belçikadan olan minlərlə fermaçı etiraz etmək üçün Brüsselin "Avropa məhəlləsinə" toplaşıblar.

Onların məqsədi Avropa İttifaqı institutları və milli hökumətdən fermər təsərrüfatları üçün maliyyə dəstəyi almaqdır. Etiraz aksiyası ilə əlaqədar Brüssel polisi qabaqlayıcı tədbirlər planı hazırlayıb və sürücülərə xəbərdarlıq edib.

Qeyd edək ki, Avropa İttifaqında 1 apreldən süd istehsalına kvotaların və Rusiyaya embarqonun ləğvi alış qiymətlərinin düşməsinə səbəb olub. Bu isə fermaçıların zərərə işləməsinə gətirib çıxarıb.

Ölkə.Az