PKK Naxçıvanla sərhəddə terror törətdi
14 polis məmuru şəhid olub, 3-ü ağır yaralanıb
Ölkə.Az xəbər verir ki, PKK-nın Naxçıvanla sərhəddə terror törətməsi nəticəsində 14 polis şəhid olub.
Terror aktı Iğdırın Həsənxan kəndi yaxınlığında baş verib. Polisləri gömrük məntəqəsinə aparan mikroavtobus PKK terrorçuları tərəfindən partladılıb. Türkiyə KİV-lərinin yaydığı məlumata əsasən, 14 polis məmuru şəhid olub, 3-ü ağır yaralanıb.
Sentyabrın 6-da Haqqari vilayətinin Dağlıca kəndində basdırılan partlayıcının işə düşməsi nəticəsində 16 hərbçi şəhid olub, 6 nəfər yaralanıb. Hazırda Türkiyə Silahlı Qüvvələri bölgədə geniş miqyaslı antiterror əməliyyatları aparır.
Ən son məlumata görə, iki gün ərzində Türkiyə Ordusunun qırıcıları PKK-nın 23 terror düşərgəsini yerlə-yeksan edib.
Rəşid Mustafazadə
Ölkə.Az